ការធ្វេសប្រហែសមួយចំនួនអាចបណ្តាលឲ្យប៉ះពាល់ដល់ថ្លើមរបស់ អ្នកបាន។ ដូច្នេះអ្នកគួរយកចិត្តទុកដាក់ចំពោះការថែទាំ និងផលប៉ះពាល់ទាំងអស់នោះ។ ផលប៉ះពាល់មួយចំនួនដែលអ្នកមិនបានចាប់អារម្មណ៍នោះគឺៈ
- ការចូលគេងមានការយឺតយ៉ាវ និងក្រក្រោកពីដំណេក
- មិនបត់ជើងតូចនៅពេលព្រឹក
- ទទួលទានច្រើនពេក
- ផ្អាកទទួលទានអាហារពេលព្រឹក
- ប្រើប្រាស់ថ្នាំច្រើនហួសកំណត់
- ទទួលទានអាហារដោយបន្ថែមសារធាតុគីមី ដើម្បីរក្សាទុកឲ្យបានយូរ, អាហារដែលមានជាតិពណ៌ និងអាហារដែលផលិតពីស្ករសិប្បនិម្មិត
- ប្រើប្រាស់ប្រេងចម្អិនអាហារមិនល្អចំពោះសុខភាព។ បើសិនជាអាចជៀសបាន អ្នកគួរកាត់បន្ថយអាហារដែលប្រើប្រេងចាន ទោះបីជាប្រេងនោះជាប្រភេទប្រេងល្អក៏ដោយ។ ហើយនៅពេលដែលអ្នកកំពុងតែនឿយហត់ខ្លាំង អ្នកមិនគួរទទួលទានអាហារដែលចៀននោះទេ។
- ទទួលទានអាហារឆៅច្រើនហួសហេតុពេក អាចបង្កបញ្ហាដល់ថ្លើមរបស់អ្នក។ ដូច្នេះអ្នកគួរទទួលទានបន្លែនៅក្នុងបរិមាណសមរម្យ ឬទទួលទានលាយជាមួយបន្លែឆ្អិនពី៣-៥ភាគ។ ចំពោះបន្លែឆា ឬចៀន បើសិនជានៅសល់ មិនគួរទុកទទួលទានបន្តទៀតឡើយ។
គ្រាន់តែអ្នកអនុវត្តតាមការណែនាំខាងលើ ហើយប្រកាន់ខ្ជាប់នូវទម្លាប់ល្អចំពោះការទទួលទាន និងកំណត់ ឬបែងចែកពេលវេលាសម្រាកឲ្យបានត្រឹមត្រូវនោះ អ្នកនឹងទទួលបាននូវសុខភាពល្អ។ ការសម្រាក និងទម្លាប់នៃការទទួលទានត្រឹមត្រូវមានសារប្រយោជន៍ណាស់ដល់ សារព៌ាង្គកាយ ព្រោះថាទម្លាប់ទាំងពីរនេះនឹងជួយឲ្យរាងកាយរបស់អ្នកមានពេលវេលា គ្រប់គ្រាន់ ដើម្បីស្រូបយកថាមពលពីអាហារមកចិញ្ចឹមសារព៌ាង្គកាយ និងកម្ចាស់សារធាតុគីមីដែលអាចជាមូលហេតុធ្វើឲ្យប៉ះពាល់ដល់សុខ ភាពរបស់អ្នកបាន៕
No comments:
Post a Comment