ផលប្រយោជន៍ព្យាបាលជំងឺពីម្ហូបចំណីហឹរ
តាមការស្រាវជ្រាវថ្មីៗនេះបានបង្ហាញថា អាហារហឹរជួយបញ្ចុះទម្ងន់, ល្អសម្រាប់សរសៃឈាមបេះដូង, បង្កើនចរាចរឈាម, ប្រឆាំងមហារីក …។
ម្ហូបអាហារហឹរត្រូវបានមនុស្សជាច្រើននិយមចូលចិត្តលើទូទាំងពិភពលោក ។ យោងតាមការស្រាវជ្រាវថ្មីៗនេះបានឱ្យដឹងថា ការបន្ថែមគ្រឿងទេសហឹរមួយទៅក្នុងអាហាររបស់អ្នក អាចល្អសម្រាប់សុខភាពជាងអ្នកគិត ។ ផលប្រយោជន៍របស់ម្ហូបចំណីហឹររួមមានៈ
- ជួយបញ្ចុះទម្ងន់៖ ម្ទេសហឹរផ្ទុក Capsaicin អាចបង្កើនល្បឿន បំប្លែងសារជាតិនិងជួយសរីរាង្គដុតបំផ្លាញកាឡូរីលឿនជាង ។ ប្រការនេះគឺដោយសារ Capsaicin ធ្វើឱ្យកើនសីតុណ្ហភាពសរីរាង្គរបស់អ្នក និងរួមចំណែកធ្វើឱ្យកើនចង្វាក់បេះដូងរបស់អ្នក ។
- ល្អសម្រាប់សរសៃឈាមបេះដូង៖ ម្ទេសហឹរអាចជួយកែប្រែឱ្យប្រសើរឡើងសុខភាពសរសៃឈាមបេះដូង ដោយវិធីកែប្រែសមត្ថភាពរបស់សរីរាង្គរំលាយឈាមកក ។ ការស្រាវជ្រាវបានចង្អុលបង្ហាញ្ញថា ដង់ស៊ីតេទាបនៃកូឡេស្តេរ៉ូល LDL (កូឡេស្តេរ៉ូលអាក្រក់) ប្រឆាំងតបដំណើរការអុកស៊ីតកម្ម ក្នុងរយៈពេលវែងមួយ (អាចធ្វើឱ្យស្ទះសរសៃឈាមរបស់អ្នក) អាស្រ័យហេតុនេះពេលបំពេញម្ទេសទៅក្នុងរបបទទួលទានអាចធ្វើឱ្យថយចុះ គ្រោះថ្នាក់ឈឺបេះដូង ឈាមកកនៅខួរក្បាល។
- បង្កើនចរាចរឈាម៖ ប្រភេទ អាហារហឹរក៏ជំរុញចរាចរឈាមបានល្អ និងជួយបញ្ចុះសម្ពាធឈាម ។ ពេលអ្នកបរិភោគអាហារហឹរ សីតុណ្ហភាពសរីរាង្គរបស់អ្នកត្រូវបានលើកឡើង អាស្រ័យហេតុនោះធ្វើឱ្យកើន បរិមាណចរាចរឈាមបេះដូង ។ ក្នុងម្ទេសក៏មានវីតាមីន A និង C ច្រើន ហេតុនេះជួយពង្រឹងគែមសរសៃឈាម ។
- ប្រឆាំងមហារីក៖ ការស្រាវជ្រាវជាច្រើនបានចង្អុលបង្ហាញថា ការប្រើប្រាស់ម្ទេសជាប្រចាំ នឹងមានឥទ្ធិពលធ្វើឱ្យថយចុះគ្រោះថ្នាក់មហារីក ។ ក្នុងករណីមួយចំនួន Capsaicin ពន្យឺតភាពរីកចម្រើនរបស់កោសិកាមហារីក មិនតែប៉ុណ្ណោះធ្វើឱ្យងាប់កោសិកាមហារីកដោយមិនធ្វើឱ្យអន្តរាយដល់ កោសិកាជុំវិញ ។
- ជំរុញរំលាយអាហារ៖ ពពួក គ្រឿងទេសធ្វើឱ្យកើនការបញ្ចេញ hydrocloric ក្នុងក្រពះ ជួយអ្នករំលាយអាហារងាយស្រួលជាង ទន្ទឹមនោះធ្វើឱ្យកើនចរាចរឈាមទៅដល់ក្រពះ ។ Capsaicin ក្នុងគ្រឿងទេសហឹរក៏ជួយ កម្ទេចពពួកបាក់តេរីដូចជា H. Pylori និងជួយទប់ស្កាត់ឬព្យាបាលជំងឺរលាកក្រពះ ។ ប៉ុន្តែប្រសិនអ្នកត្រូវភើក្តៅពីការបរិភោគអាហារហឹរ នោះចូរសាក ប្រើប្រាស់ថ្នាំប្រឆាំងអាស៊ីតមួយគ្រាប់ដើម្បីសម្រួលអាស៊ីតក្នុង ក្រពះ ។
- ព្យាបាលជំងឺសន្លាក់៖ គ្រឿងទេសល្មៀត ( haldi ធ្វើឱ្យថយចុះរលាក និងបំផ្លាញឆ្អឹងនៅមនុស្ស ។ សារជាតិ Circumin មាននៅក្នុងល្មៀតជួយបន្ថយភាពឈឺចាប់ពាក់ព័ន្ធដល់រលាកសន្លាក់ ។
- គ្រុនរងានិងគ្រុនផ្តាសាយ៖ Capsaicin ក្នុងពពួកអាហារធ្វើគ្រឿងទេសជំរុញសរីរាង្គចេញញើស និងជួយបន្ថយភាពពិបាកទ្រាំរបស់រោគសញ្ញាគ្រុនរងានិងផ្តាសាយ ។ វាក៏ជួយឱ្យធូរច្រមុះ ដកដង្ហើមស្រួល បន្ថយរលាកខ្ទង់ច្រមុះ និងរោគសញ្ញាផ្តាសាយផ្សេងៗ ។
- កែប្រែដំណេកឱ្យប្រសើរឡើង៖ អ្នកស្រាវជ្រាវអូស្ត្រាលីបានរក ឃើញថា ពួកអ្នកបរិភោគអាហារមានគ្រឿងទេសច្រើននឹងងាយដេកលក់ ស្រួលជាង ។ ពួកគេក៏ភ្ញាក់ពីដំណេកងាយស្រួលជាង មិនអស់កម្លាំង និងមានថាមពលច្រើនពេញមួយថ្ងៃ ។
- កែប្រែសភាពចិត្តគំនិត៖ ម្ទេសបង្កើនកម្រិត endorphin និង Serotonin បន្ថយឈឺចាប់ និងជួយឱ្យយើងមានអារម្មណ៍សុភមង្គល បញ្ចៀសបានរោគផ្លូវចិត្ត និងអារម្មណ៍តានតឹងហួសកម្រិត ។
- ដកដង្ហើមល្អជាង៖ ម្ទេស ហឹរល្អបំផុតសម្រាប់អ្នកកើតជំងឺហឺត រលាកទងសួតរ៉ាំរ៉ៃ រលាកខ្ទង់ច្រមុះ ព្រោះវាជួយបន្ថយនិងកម្ទេចស្លេស្ម៍ ជួយឱ្យអ្នកដកដង្ហើមស្រួលជាង ។ ម្ទេសហឹរក៏មានឥទ្ធិពលធ្វើឱ្យធូរច្រមុះ ជួយ ឱ្យដកដង្ហើមល្អ ។
ប៉ុន្តែរឿងសំខាន់គឺអ្នកគួរបរិភោគហឹរក្នុងកម្រិតសមល្មម ។ ពិសេសគឺប្រសិនបើអ្នកមានក្រពះរំញោចនោះ ដាច់ខាតត្រូវចៀសឆ្ងាយពីអាហារហឹរ ៕CEN
No comments:
Post a Comment