rari បានបង្ហាញវត្ដមានរថយន្ដ 458 Italia ជាផ្លូវការ ដែលមានការវិវត្ដថ្មីពី Ferrari F430 និងការរចនាម៉ូដលើកនេះ សូម្បីតែបុគ្គលិកក៏គ្មានពាក្យអ្វីនឹងថ្លែងដែរ។ រថយន្ដដ៏ទំនើបនេះមើលទៅគួរឲ្យ ទាក់ទាញគ្រប់ជ្រុងទាំងអស់ខណៈពេលវាបានអភិវឌ្ឍខ្លួនខុសប្លែកពីម៉ូដែល Ferrari ដទៃទៀត។
រថយន្ដស្ព័រដ៏ខ្លាំងនេះត្រូវបានបំពាក់ដោយម៉ាស៊ីនថ្មីសន្លាង បង្កើនសមត្ថភាពឌីណាមិកខ្យល់កែ ប្រព័ន្ធបញ្ជាថ្មី និងឧបករណ៍ផ្សេងៗនៅផ្នែកខាងក្នុង កាប៊ីន។ វាត្រូវបានច្នៃម៉ូដដោយក្រុមហ៊ុនអ៊ីតាលី Pininfarina និងផ្ទៃខាងក្នុងត្រូវបានរចនាពីស្នាដៃរបស់លោកដូណាតូ កូកូ (Donato Coco) នាយកផ្នែករចនាម៉ូដរបស់ ក្រុមហ៊ុន Ferrari។
នៅក្រោមគម្របម៉ាស៊ីននៃរថយន្តត្រូវបានបំពាក់ ដោយម៉ាស៊ីន V8 ចំណុះ៤,៥លីត្រ ជាមួយនឹងឡឺប្រឹកាំង (ដងស្វាន) សំប៉ែតស្ដង់ដាររបស់ Ferrari។ វាមានកម្លាំង ៥៧០សេសក្នុងរង្វិល៩០០០ជុំក្នុងមួយនាទី។ វាមានទម្ងន់១ ៣៨០គីឡូក្រាមមាន សន្ទុះ ៩៦គីឡូម៉ែត្រក្នុងមួយម៉ោងត្រឹមរយៈពេលតែ៣,៤វិនាទីប៉ុណ្ណោះ និងល្បឿនខ្ពស់បំផុត៣២៥គីឡូម៉ែត្រក្នុងមួយម៉ោង។ Ferrari 458 Italia មានតម្លៃប្រមាណ២៧៥ ០០០ដុល្លារដោយគ្រាន់តែស៊េរី458 ធម្មតាប៉ុណ្ណោះ។ ប៉ុន្ដែបើសិនអតិថិជនចង់បន្ថែមបរិក្ខារផ្សេងៗនឹងអាចកើនដល់៣២៥ ០០០ដុល្លារ៕
No comments:
Post a Comment