Friday, October 14, 2011

"​បំបាត់​" ជំងឺ​៩ប្រភេទដែល​ស្ត្រី​តែង​ជួបប្រទះ​

ភ្នំពេញ: អ្នកជំនាញការ​បាន​ស្ថិតិ​​ជំងឺ​ទូទៅ​៩​ប្រភេទ ​ដែល​ស្ត្រី​តែង​ជួបប្រទះ​ក្នុង​ជីវិត​របស់​ខ្លួន។ ​ដើម្បី​បន្ថយ​គ្រោះថ្នាក់​ពី​ជំងឺ​ទាំងនោះ ស្ត្រី​គួរស្វែង​យល់​នូវ​គំនិត​ផ្តួចផ្តើម​ខាងក្រោម​នេះ ។​

​ពិបាក​ទ្រាំ​ពេលមករដូវ ៖ ផឹក​ទឹកដោះគោក្តៅ​, បន្ថែម​ទឹកឃ្មុំ
​ ​ក្នុង​ពេល​មក​រដូវ មាន​ស្ត្រី​មិន​តិច​ឡើយ​ដែល​បាន​ជួប​នូវ​រោគសញ្ញាឈឺពោះ​ខាងក្រោម​, អស់កម្លាំង​, ច្របូកច្របល់​ដំណេក​, សភាព​ចិត្តគំនិត​មិនស្រួលបួល និង ​ អា​ការៈផ្សេងៗ​ទៀត​... ដើម្បី​ជួយ​ស្ត្រី​បន្ថយ​​រោគសញ្ញា​ទាំងនេះ ពួក​អ្នកជំនាញការ​ផ្នែក​សម្ភ​ព និង​រោគ​ស្ត្រី ​បាន​ផ្តល់​ការ​ទូន្មាន​ថា ក្នុងពេល​មាន​រដូវ មុន​ចូល​ដំណេក​រាល់​យប់ ស្ត្រី​គួរ​ផឹក​ទឹកដោះគោក្តៅ​មួយ​កែវ អាច​លាយ​បន្ថែម​ទឹកឃ្មុំ។ វិធី​នេះ​ជួយ​ធ្វើឱ្យ​ឈាម​រត់​ស្រួល​, បន្ថយ​ឈឺពោះ ធ្វើឱ្យ​ធូរចិត្ត និង​ទប់ស្កាត់​ការឆ្លង​មេរោគ។ ម៉ាញ៉េស្យូ​មមាន​ក្នុង​ទឹកឃ្មុំ អាចជួយ​ស្ត្រី​រក្សា​បាន​ភាពនឹងនរ​, បន្ថយ​ភាព​តានតឹង និង​សម្ពាធ​ក្នុង​បណ្តា​ថ្ងៃ​ពិបាក​ទ្រាំ​នេះ។​
​ ​ឈឺពោះ​ពេល​មក​រដូវ​ ៖ បរិភោគ​ចេក​មួយ​ផ្លែ​
​ ​ចេក​សម្បូរ​វីតាមីន B6 រួមចំណែក​រក្សា​ឱ្យ​ប្រព័ន្ធ​សរសៃប្រសាទរបស់​ស្ត្រី​ មានស្ថេរភាព ពិសេស​គឺ​ពេល​ឈឺពោះ​មករដូវ។ ក្រៅពី​នេះ​ ការបរិភោគចេក​​ ជា​វិធានការ​កែប្រែ​ដំណេក​ឱ្យ​ប្រសើរ​ឡើង​យ៉ាងមាន​ប្រសិទ្ធភាព។​
ឈឺ​មួយ​ចំហៀង​ក្បាល​ ៖ បរិភោគ​អាហារ​មាន​ផ្ទុក​ម៉ាញ៉េ​ស្យូម
​ ​ស្ត្រី​ក្នុង​វ័យ​បង្កើតកូន ពិសេស​គឺ​អ្នក​ធ្វើការ​ពាក់ព័ន្ធ​ច្រើន​ដល់​ខួរក្បាល តែង​ត្រូវ​ឈឺ​មួយ​ចំហៀង​ក្បាល។ ការស្រាវជ្រាវ​បង្ហាញថា អ្នកជំងឺ​មួយចំនួន គឺ​បណ្តាល​ពី​បរិមាណ​ម៉ាញ៉េស្យូម​ក្នុងឈាម​ទាប។ របប​ទទួលទាន​មួយ​សម្បូរម៉ាញ៉េស្យូ​មមាន​នៅក្នុង ពពួកអា​ហារ​ដូចជា សណ្តែក​, ចេក​, ពពួក​គ្រាប់ និង​គ្រឿងសមុទ្រ អាច​ធ្វើឱ្យ​ថយចុះ​ការចាប់ផ្តើម​របស់​អាការៈ​ឈឺ​មួយ​ចំហៀង​ក្បាល។​
​ ​សោកសៅ​ ៖ បរិភោគ​ត្រី​
​ ​ដោយសារ​ឥទ្ធិពល​របស់​ការប្រែប្រួល​អ័រម៉ូន ស្ត្រី​មាន​លទ្ធភាព​ធ្លាក់ទៅ​ក្នុង​ភាព​សោកសៅ​ខ្ពស់ជាង ​ប្រៀប​នឹង​បុរស។ ការស្រាវជ្រាវ​បង្ហាញថា បរិភោគ​ត្រី និង​ពពួក​អាស៊ីត​ខ្លាញ់​ផ្សេងៗ​សម្បូរ Omega 3 ជាប្រចាំ អាចជួយ​បន្ថយ​ភាព​សោកសៅ​ ឬ​ធ្វើឱ្យ​ថយ​ចុះ​អត្រា​កើត​ជំងឺ​សោកសៅ។​
​បរិមាណ estrogen ថយចុះ​: បរិភោគ​អាហារ​អំពី​សណ្តែកសៀង​
​ ​Estrogen ជា​អ័រម៉ូន​ភេទស្ត្រី​សំខាន់​ក្នុង​សរីរាង្គ។ ពេល​បរិមាណ estrogen ក្នុង​ឈាម​នៅក្រោម​កម្រិត​ធម្មតា នឹង​ធ្វើឱ្យ​សមត្ថកិច្ច​បង្កើតកូនរ​បស់​ស្ត្រី និង​សមត្ថកិច្ច​ផ្លូវភេទ​ត្រូវ​រង​ឥទ្ធិពល និង​ថែម​ទាំង "​គំរាមកំហែង​" ភាពសុវត្ថិភាព​របស់​បេះដូង។ ពពួក isoflavone មាន​ក្នុង​សណ្តែកសៀង ជា​សារជាតិ estrogen មួយ​ អាច​បំពេញ​ឱ្យ​ការខ្វះ estrogen ក្នុង​សរីរាង្គ។ ទឹក ៥០០ ml ទឹក​សណ្តែក ឬ​បរិភោគ​ច្រើនជាង ១០០g ផលិតផល​សណ្តែកសៀង​ នឹងមាន​ប្រសិទ្ធភាព​សម្រួល​សមត្ថកិច្ច​អ័រម៉ូន ដើម្បី​ជំរុញ estrogen ត្រឡប់​ទៅកម្រិត​ធម្មតា​វិញ។​
រលាក​ទ្វាមាស​, ផ្សិត​ទ្វាមាស​ ៖ បរិភោគ​ខ្ទឹមស​
​ ​បរិភោគ​ខ្ទឹមស​ជាប្រចាំ ជា​វិធី​ដែល​ស្ត្រី​ជាច្រើន ​ជ្រើសរើស​ដើម្បីបញ្ចៀស​ការរលាក​ទ្វាមាស​ដោយសារ​ផ្សិត។ ព្រោះថា ខ្ទឹមស​សម្បូរ allicin និង​សារជាតិ​ផ្សេងៗ ​ដូចជា​ស្ពាន់ធ័រ សារជាតិ​សម្លាប់​មេរោគ​ធម្មជាតិ ... មាន​ឥទ្ធិពល​កម្ចាត់​មេរោគ​ខ្លាំង​, រារាំង​ផ្សិត Candida ក្នុង​ទ្វាមាស​កើន​ហួសកម្រិត ​និង​បង្ក​ការ​រលាក។​
​ ​មហារីក​រោគ​ស្ត្រី​ ៖ បរិភោគ​ផ្លែឈើ​ និង​បន្លែ​ពណ៌​ក្រហម​ច្រើន​
​ ​ផ្លែ​ប៉ោម​ក្រហម​, ម្ទេស​ក្រហម ពពួក​ផ្លែឈើ​ពណ៌​ក្រហម​ផ្សេងៗ​ មានផ្ទុក​សមាសធាតុ​គីមី​រុក្ខជាតិ​ធម្មជាតិ​មួយ មាន​ប្រសិទ្ធភាព​ក្នុង​ការរារាំង​ការ​កើនឡើង​របស់​កោសិកា​មហារីក​ខាង​រោគ​ស្ត្រី ហើយ​អាស្រ័យហេតុនេះ ​មាន​តួនាទីមួយ​ក្នុង​ការបង្ការ​ប្រឆាំង​មហារីក​រោគ​ស្ត្រី។​
​ ​មហារីក​ដៃ​ស្បូនៈ បរិភោគ​អាហារ​សម្បូរ​កាល់ស្យូម​
​ ​ការស្រាវជ្រាវ​ជា​ច្រើន​បង្ហាញថា ស្ត្រី​បំពេញ​គ្រប់​បរិមាណ​កាល់ស្យូម ឱ្យ​សរីរាង្គ​នេះ​នឹង​ថយ​ចុះ​គ្រោះថ្នាក់​មហារីក​ដៃ​ស្បូន​ ដល់​ទៅ​៥៤​ភាគរយ។ អាស្រ័យហេតុនេះ ស្ត្រី​គួរ​យកចិត្តទុកដាក់​ ប្រភេទ​អាហារ​សម្បូរ​កាល់ស្យូម ពិសេស​គឺ​ស្ត្រី​ក្រោយ​អស់​រដូវ និង​ស្ត្រី​ចំណាស់។ រាល់ថ្ងៃ​បរិភោគ​កាល់ស្យូម ត្រូវ​បំពេញ​បន្ថែម​គឺ​ ១០០០ mg ។ ស្ត្រី​អាចបំពេញ​កាល់ស្យូម​ពី​ទឹកដោះគោ ផលិតផល​សណ្តែកសៀង, បង្គា​ក្រៀម, ត្រី សារាយ​សមុទ្រ ...៕ CEN

No comments:

Post a Comment