ល្ពៅមានប្រយោជន៍ដល់សុខភាពរាងកាយ
ល្ពៅមានប្រយោជន៍ដល់សុខភាព ពិសេសអាចការពារការកើតទឹកនោមផ្អែម
ផ្លែល្ពៅជាប្រភេទបន្លែម្យ៉ាងមានប្រយោជន៍ដល់សុខភាពរាងកាយរបស់មនុស្ស ។ ខាងក្រោមនេះជាវិធីសាស្ដ្រមួយចំនួនដែលល្ពៅផ្ដល់សារធាតុយ៉ាងសំខាន់ដល់សុខភាពដូចជា ៖
ល្ពៅមានរសជាតិផ្អែមៈ ជាប្រភេទបន្លែម្យ៉ាងមានសារធាតុបេតាឃែរ៉ូទីនខ្ពស់ បង្ការការកើតជំងឺមហារីក ជាពិសេសមហារីកបោ្លកនោម ចំពោះអ្នកដែលមានវ័យចំណាស់ ការពារជំងឺសើស្បែក និងបន្ថយអាការឈឺចុករោយនៅក្បាលជង្គង់ និងចង្កេះ ព្រមទាំងមានប្រយោជន៍ដល់ការការពារអាការជំងឺស្វិតដៃជើងបានទៀត ។
ល្ពៅអាចការពារជំងឺទឹកនោមផ្អែមៈ ក្រៅពីនេះល្ពៅក៏អាចការពារជំងឺលើសឈាម ជួយទ្រទ្រង់ដល់ថ្លើម និងភ្នែកផងដែរ ។
ល្ពៅជាបន្លែដែលមានសារធាតុសរសៃខ្ពស់ៈ លើសពីនេះទៀតវាជាប្រភេទអាហារផ្ដល់ថាមពលក្នុងខ្លួនប្រាណមានកម្រិតទាប ជាតិខ្លាញ់តិច សមស្របទៅនឹងអ្នកដែលត្រូវការគ្រប់គ្រងទម្ងន់ ។ សារធាតុកាបូនអ៊ីដ្រាតនៅក្នុងល្ពៅជួយបំបាត់ដំបៅនៅក្នុងក្រពះ និងពោះវៀន ។
ល្ពៅនឹងជួយកម្ចាត់កំហាកស្លេស្មៈ ជាបន្លែម្យ៉ាងដែលផ្ដល់ផលប្រយោជន៍ដល់រាងកាយ ជួយបំបាត់ស្លេស្មក្នុងបំពង់ក និងជួយដល់សួត បន្ថយអាការនៃជំងឺហឺត ដែលកើតពីអាការៈរលាកបំពង់ខ្យល់ដកដង្ហើមដ៏រ៉ាំរ៉ៃរបស់អ្នកដែលមានវ័យចំណាស់ ជួយទំនុកបម្រុងលើកស្ទួយកម្លាំង សមស្របទៅលើអ្នកដែលមានសួត និងតម្រងនោមចុះខ្សោយ ។
គ្រាប់ល្ពៅៈ មានគុណប្រយោជន៍ក្នុងការការពារ និងកាត់បន្ថយឱកាសនៃកើតក្រួសក្នុងតម្រងនោម និងមានប្រសិទ្ធភាពជាប្រភេទថ្នាំបញ្ចុះព្រូន ឬតេនញ៉ា ។
ប្រេងល្ពៅៈ ប្រេងដែលចម្រាញ់ចេញពីគ្រាប់មានរសជាតិផ្អែម អាចយកមកទទួលទានជួយទំនុកបម្រុងដល់សរសៃប្រសាទ ៕
សារព័ត៌មានកោះសន្តិភាព ថ្ងៃទី៦ ខែសីហា ឆ្នាំ២០១០
No comments:
Post a Comment