ដោយ : ចំណាន CEN
នៅពេលលើកយកមក និយាយអំពីប្រធានបទនេះ លោកសាស្ដ្រាចារ្យរស់ ចន្ដ្រាបុត្រទី ប្រឹក្សារាជបណ្ឌិតសភាកម្ពុជាបានមានប្រសាសន៍កាលពីដើមខែសីហា២០១១ថា បញ្ហានេះ ដោយសារខ្មែរ មិនសូវស្គាល់ពីប្រវត្ដិសាស្ដ្រ និងឱ្យតំលៃប្រវត្ដិសាស្ដ្ររបស់ ខ្លួនឱ្យបានទូលំទូលាយ ហើយការមិននឹកនាដល់ព្រះបាទសូរិយាវរ្ម័នទី២ ដោយ សារកត្ដាចំបងៗចំនួូន៤ ដូចជា ទី១ កង្វះ សៀវភៅទាក់ទងនឹងប្រវត្ដិសាស្ដ្រ ទី២ ក្រសួងអប់រំ និងក្រសួងវប្បធ៌មមិនឱ្យតំលៃព្រះបាទសូរិ យាវរ្ម័នទី២ ទី៣ កង្វះឯកសារនិយាយទាក់ទងនឹងប្រវត្ដិ សា្នដៃ និងការដឹកនាំរបស់ព្រះអង្គ និង ទី៤ ដោយសារប្រព័ន្ឋផ្សព្វផ្សាយ មិនសូវបានឱ្យតំលៃពីប្រវត្ដិសាស្ដ្រជាតិឱ្យបានច្រើន។
លោកសាស្ដ្រាចារ្យបានបន្ដថា “ រាល់ថ្ងៃយើងរស់ក្រោមបារមី គុណូប្បការៈរបស់ព្រះបាទសូរិយាវរ្ម័នទី២ ប៉ុន្ដែយើងមិនស្គាល់គុណរបស់ព្រះអង្គ បីដូចខ្មែរកំពុងភ្លេចពីគុណរបស់បុព្វការីរបស់ខ្លួន ”។ លោកបន្ថែមថា គេស្គាល់ខ្មែរដោយសារអង្គរ គេស្គាល់អង្គរដោយសារព្រះបាទសូរិយា វរ្ម័នទី២បានកសាងទ្បើង ហើយយើងទទួល ផលពីទេសចរណ៍ ក៏ដោយសារព្រះបាទសូរិយាវរ្ម័នទី២ ហើយទង់ជាតិ ដែលជាអត្ដ
សញ្ញាណជាតិក៏ដាក់រូបប្រាសាទអង្គរ ដែលជាស្នាមព្រះហស្ដរបស់ ព្រះអង្គ ។
លោកបន្ដថា ទាំងអ្នកស្រាវជ្រាវបរទេស ពិសេសអ្នកស្រាវជ្រាវជនជាតិបារាំងល្បីៗក៏មិន បានលើកយកីប្រវត្ដិព្រះបាទសូរិយា វរ្ម័នទី២ មកនិយាយឱ្យបានលំអិតនោះទ្បើយ បើទោះជាយើង មានឯកសារ និងរូបសំណាករបស់ព្រះអង្គនៅថែវទី៣ ផ្នែកខាងត្បូងនៃប្រាសាទអង្គរវត្ដក៏ដោយ ។ លោកបន្ដថា បន្ទាប់ពីសរសេរបញ្ចប់សៀវភៅនិយាយអំពីប្រាសាទព្រះវិហារ និងព្រះបាទជ័យវ រ្ម័នទី៧ លោកនឹងចាប់ផ្ដើម
ធ្វើការស្រាវជ្រាវ អំពីជីវប្រវត្ដិ ស្នាដៃ និងការដឹកនាំរបស់ព្រះបាទសូរិ យាវរ្ម័នទី២នាពេលខាងមុខនេះ ប៉ុន្ដែអ្វីៗស្ថិតក្នុងគំរោងនៅទ្បើយ។
លោកសាស្ដ្រាចារ្យរស់ ចន្ដ្រាបុត្របានបន្ដថា ហេតុនេះទើបយើងទាមទារឱ្យមានការស្រាវ ជ្រាវឱ្យបានច្បាស់លាស់ពីជីវប្រវត្ដិ ស្នាដៃ និងការដឹកនាំររបស់ព្រះអង្គ ហើយទាមទារឱ្យមាន ការឱ្យតំលៃទៅលើ បញ្ហាប្រវត្ដិសាស្ដ្ររបស់កម្ពុជាជាចាំបាច់ថា កម្ពុជាមានភាពថ្លៃថ្នូរ និងមាន អរិយធ៌មឧត្ដុងឧត្ដមបែបណា ដើម្បីឱ្យកូនខ្មែរធ្វើឱ្យការ សិក្សា និងការយល់ដឹងពីប្រវត្ដិសាស្ដ្រ បានខ្ពស់ទាំងខ្លឹមសារ និងទាំងការសិក្សារៀនសូត្រ ។ លោកបន្ដថា រាជរដ្ឋាភិបាលគួរបង្កើតឱ្យ មានគណៈកម្មាធិការជាតិផ្នែកប្រវត្ដិសាស្ដ្រមួយ ដែលមានភារកិច្ចមិនត្រឹមតែដើម្បីធ្វើការសិក្សា ស្រាវជ្រាវ ចងក្រងឯកសារប្រវត្ដិសាស្ដ្រនោះទេ គឺត្រូវមានការផ្សព្វផ្សាយឱ្យបានទូលំទូលាយ ពីប្រវត្ដិសាស្ដ្រជាតិ ទាំងក្នុង និងក្រៅប្រទេស ដែលនេះជាមធ្យោបាយមួយបីដូចជាការស្រះបន្លា ជារបងទប់ទល់ ការវាយលុករបស់ប្រទេសជិតខាង ដែលចូលចិត្ដក្លែងបន្លំប្រវត្ដិសាស្ដ្រ។
ព្រះបាទសូរិយាវរ្ម័នទី២ជាអ្នកណា? លោកសាស្ដ្រាចារ្យបណ្ឌិតរស់ ចន្ដ្រាបុត្របានមានប្រ សាសន៍ថា ព្រះបាទសូរិយាវរ្ម័នទី២ ជាអ្នករៀបចំចក្រភពអង្គរលើកតំបូង មុនព្រះបាទជ័យវរ្ម័ន ទី៧ ដែលត្រូវជាក្មួយរបស់ព្រះអង្គ ហើយព្រះអង្គទ្បើងសោយរាជពីឆ្នាំ១.១១៣ ដល់ឆ្នាំ១១៥០។ ព្រះអង្គជាអ្នកកសាងប្រាសាទអង្គរវត្ដ ប្រាសាទព្រះវិហារ ប្រាសាទបឹងមាលា ប្រាសាទឯកភ្នំ ប្រាសាទស្នឹង ប្រាសាទបាសែត ជាដើម។
តើមគ្គុទេសក៍ទេសចរណ៍ បានចូលរួមផ្សព្វផ្សាយពីព្រះបាទសូរិយាវរ្ម័នទី២ ដែរឫយ៉ាងណា? លោកហូ វណ្ឌីសហប្រធានក្រុមការងាររដ្ឋ និងឯកជនផ្នែកវិស័យទេសចរបានមានប្រសាសន៍ថា មានការលើកយកមកនិយាយច្រីន អំពីស្នាព្រហស្ដរបស់ព្រះបាទជ័យវរ្ម័នទី៧ ត្បិតមានរូបសំណាករបស់ព្រះអង្គច្រើន ប៉ុន្ដែចំពោះព្រះបាទសូរិយាវរ្ម័នទី២ មិនសូវមានការលើកយកមកនិយាយ ប្រាប់ភ្ញៀវពីមគ្គុទេសក៍
ទេសចរនោះទេ ដោយសារព្រះអង្គមិនមានបន្សល់នូវស្លាកស្នាម និងព៌តមានច្រើនទាក់ងនឹងព្រះអង្គ ។
លោកបន្ដថា ប្រសិនជាមានការស្រាវជ្រាវឱ្យបានទូលំទូលាយពីប្រវត្ដិ ស្នាដៃ និងការដឹក នាំរបស់ព្រះអង្គ មានសារៈសំខាន់ណាស់ព្រោះដើម្បីឱ្យកូនខ្មែរបានដឹងពីរឿងនេះ និងធ្វើការគោ រពចំពោះព្រះអង្គ ។ លោកបន្ដថា ប្រសិនជាមិនមានការចាប់ ផ្ដើមទេ ក៏គ្មានអ្នកធ្វើបន្ដដែរ បីដូចអ្នកបេះផ្លែផល្លាហូបនាពេលបច្ចុប្បន្ន ក៏គួរនឹកគុណដល់អ្នកដាំ ៕
No comments:
Post a Comment