| ដោយ: CEN ពេលអ័រម៉ូនលូតលាស់ត្រូវបានឃោសនាដូចជាប្រភេទឱសថជួយបញ្ចៀសឆ្ងាយ ពាក្យ "តឿ" នោះ អាណាព្យាបាលជាច្រើនមិនស្តាយប្រាក់ដើម្បីរុញកម្ពស់កូនៗជាទី  ស្រឡាញ់ ។ "ខ្ពស់ថែម, ខ្ពស់ទៀត..." តែងជាការស្រេកឃ្លានរបស់ឪពុកម្តាយដែលមានកូនមានកម្ពស់ទាប ។ ហើយពុំត្រឹមតែកុមារទេ មនុស្សជាច្រើនដែល មានអាយុលើស២០-៣០ឆ្នាំនៅតែស្វះស្វែងរកទិញអ័រម៉ូនលូតលាស់( GH), ក្តីសង្ឃឹមស្តួចស្តើង តែផលវិបាកបែរជាធំ...។
អាការៈ "ឆ្កួត" អ័រម៉ូន
អាណាព្យាបាលជាច្រើនចាត់ទុក GH ដូចជាប្រភេទអាហារូបត្ថម្ភសម្រាប់អ្នកមាន ។ ជាក់ស្តែងការប្រើប្រាស់ GH សម្រាប់មនុស្សធម្មតាមាន តម្រូវការលូតកម្ពស់នៅតែជាបញ្ហាបង្កការឈ្លោះប្រកែក។ តាមការស្រាវជ្រាវ ជាច្រើន ការប្រើប្រាស់ GH នៅមនុស្សធម្មតាអាចជួយបង្កើនថែមពី៣,៥ -៧,៥ សង់ទីម៉ែត្រ ។ ប៉ុន្តែលទ្ធផលនេះពុំទូទៅឡើយ មានមនុស្សជាច្រើនប្រើថ្នាំ តែមិន កើនថែមមួយសង់ទីម៉ែត្រណា ។ មនុស្សពេញវ័យជាច្រើនប្រើថ្នាំពេលឆ្អឹងបានទៅជាខ្លឹម បណ្តាលឱ្យដើមអវយវៈធំប៉ោងចេញឆ្អឹងទ្រនុងថ្ពាល់ឡើងខ្ពស់ មុខមាត់ប្រែប្រួលទ្រង់ទ្រាយ ។
ជាក់ស្តែង អាការៈ " ឆ្កួត" GH ពុំត្រឹមតែកើតមាននៅបណ្តាប្រទេស អាស៊ីជាច្រើនប៉ុណ្ណោះទេ ។ ប្រទេសអូស្ត្រាលីកំពុងត្រូវប្រឈមមុខជាមួយស្ថានភាពនេះក្នុងរយៈពេលដ៏ វែង ដោយសារវិស័យសុខាភិបាលទទួល យល់ព្រមផ្តល់ថ្នាំឱ្យអ្នកប្រើដោយមិនគិតប្រាក់ ។ តម្លៃថ្នាំថ្លៃ តែត្រូវបានរដ្ឋាភិបាលរ៉ាប់រង ហេតុនេះអាណាព្យាបាលបង្ខំឱ្យកូនរបស់ខ្លួនប្រើប្រាស់ -មិនរវល់ ដល់ការព្រមានថាថ្នាំអាចធ្វើឱ្យកើនសម្ពាធខាងក្នុងលលាដ៍ក្បាល បង្កការ ឈឺក្បាល ។
តាមដានការលូតលាស់កម្ពស់តាំងពីទើបកើត
ដូច្នេះ GH ពិតប្រាកដជាអ្វី? ធម្មតាក្នុងសរីរាង្គ, GH ជាប្រភេទអ័រម៉ូន រំញោចសរីរាង្គវែងចេញនិងធំឡើង។ មនុស្សជាច្រើនត្រូវតឿដោយសារពី កំណើតខ្វះ GH មិនព្យាបាលនឹងឈប់នៅកម្ពស់អតិបរមា១,២ម៉ែត្រចំពោះស្ត្រី និង១,៣ម៉ែត្រចំពោះបុរស, ត្រូវបំពេញ GH ដូចជាវិធីព្យាបាលជំនួសមួយ ។ ប៉ុន្តែ ដល់វ័យពេញវ័យ ឆ្អឹងទៅជាខ្លឹមរួចហើយនោះ GH មិនអាចរុញកម្ពស់ថែម ទៀត។ក្រៅពីនេះ GH នៅត្រូវបានកំណត់ ជួយបង្កើនកម្ពស់ឱ្យក្មេងស្រីកើតជំងឺ Turner, កុមាររីកចម្រើនយឺតក្នុងគភ៌ ដែលដល់អាយុ៤ឆ្នាំមិនតាមទាន់កម្ពស់ របស់កុមារធម្មតា កុមាររីកចម្រើនកម្ពស់យឺត ខ្សោយក្រលៀនរ៉ាំរ៉ៃ ថ្មីៗនេះ ,ការកំណត់នេះត្រូវបានបើកទូលាយបន្ថែមនៅកុមារកើតជំងឺ Prader Willi ។ នេះជាអាការៈជំងឺអាចសម្គាល់ពីដំណាក់កាលដំបូងនៃជីវិតៈ មុនអាយុ២ ឆ្នាំ កុមារមានស្តែងចេញការថយចុះកម្លាំងពង្រីកសាច់ដុំទូទាំងរាងកាយ (ពេលនៅក្នុងផ្ទៃម្តាយនោះធាក់ខ្សោយ) ដំណាក់កាលទើបកើតយំមិនសូវឮ ខ្លួនទន់ល្វត ) ថយសមត្ថកិច្ចផ្លូវភេទ (ប្រដាប់បន្តពូជតូច នៅក្មេងប្រុសបន្ថែមលេចចេញបង្កប់ពងស្វាស) ។ ក្រោយអាយុ ២ឆ្នាំ កុមារបរិភោគច្រើនធាត់ឡើង ងាយកើតជំងឺទឹកនោមផ្អែម បាតដៃបាតជើងតូច ចន្លោះសៀតផ្កាទាំង២ចង្អៀត ចង្កាតូច...។ អាការៈ Prader Willi សំណូមពរបំពេញ GH កាន់តែឆាប់កាន់ តែល្អ(អាចមុនអាយុ១ឆ្នាំ) ។
ប៉ុន្តែពុំមែនឱ្យតែទាបគឺទម្លាក់ទៅលើការខ្វះខាត GH ។ "កុមារនឹងត្រូវ បានស្រាវជ្រាវយ៉ាងម៉ត់ចត់ប្រវត្តិពេលនៅក្នុងផ្ទៃម្តាយនិងពេលកើត ។ បន្ទាប់ ពីនោះនឹងត្រូវបានវិភាគ វាស់អាយុ ឆ្អឹង..."។
ការតាមដានកម្ពស់ត្រូវតែចាប់ផ្តើមតាំងពីដំណាក់កាលជាទារក ប៉ុន្តែ ភាគច្រើនសុទ្ធតែរកឃើញជំងឺយឺត ។ កុមារចូលរៀនថ្នាក់ទី១ តម្រង់ជួរ, អាណាព្យាបាលឃើញកូនរបស់ខ្លួនទាបជាងមិត្តភក្តិវ័យស្របាលៗគ្នានោះ ទើបស្ទុះស្ទារកថ្នាំ ,ទៅជួបគ្រូពេទ្យ ៕
|
I like
ReplyDelete