ក្រុមអ្នកសិក្សាស្រាវជ្រាវបាននិយាយថា អ្នកជក់បារីអាចនឹងបាត់បង់ការចងចាំរបស់ខ្លួនចំនួន១ភាគ៣ជារៀងរាល់ថ្ងៃ។
ការសិក្សាស្រាវជ្រាវរបស់ក្រុមមួយនៅសាកលវិទ្យាល័យ Northumbria University នៅក្នុងប្រទេសអង់គ្លេស នេះបានបង្ហាញថា អ្នកជក់បារីបាត់បង់ការចងចាំច្រើនជាងអ្នកដែលមិនជក់បារី។
ហើយការសិក្សាស្រាវជ្រាវនេះក៏បានរកឃើញដែរថា អ្នកដែលបោះបង់ទម្លាប់ជក់បារីធ្វើឲ្យការចងចាំមានឡើងមកវិញស្ទើរតែស្មើនឹងកម្រិតនៃអ្នកដែលមិនជក់បារីដែរ។
ការសិក្សាស្រាវជ្រាវនេះបានធ្វើឡើងទៅលើមនុស្សដែលមានវ័យចាប់ពី១៨ឆ្នាំឡើងទៅរហូតដល់២៥ឆ្នាំ ហើយក៏រួមទាំងអ្នកដែលនៅក្នុងបរិវេណសាកលវិទ្យាល័យនេះផងដែរ។
វេជ្ជបណ្ឌិត ថម ហេហ្វ័រនែន ដែលដឹកនាំក្រុមសហប្រតិបត្តិការដើម្បីការសិក្សាស្រាវជ្រាវពីឱសថនិងស្រានៅសាកលវិទ្យាល័យនេះ បាននិយាយថា លទ្ធផលនៃការរកឃើញនេះនឹងមានប្រយោជន៍សម្រាប់យុទ្ធនាការប្រឆាំងការជក់បារី។
លោកបាននិយាយថា «ដោយសារតែមានអ្នកជក់បារីរហូតដល់ទៅ១០លាននាក់នៅក្នុងប្រទេសអង់គ្លេស និង៤៥លាននាក់នៅក្នុងសហរដ្ឋអាមេរិក នោះ វាមានសារ:សំខាន់ណាស់ក្នុងការយល់ដឹងពីផលប៉ះពាល់នៃការជក់បារីដែលមានទៅលើតួនាទីចងចាំជារៀងរាល់ថ្ងៃ ហើយវាជាឧទាហរណ៍ដ៏ឥតខ្ចោះមួយ»៕
No comments:
Post a Comment