អ្នកនិយមចូលចិត្តiPhone 4Sតំរង់ជួររង់ចាំទិញនៅក្រុងតូក្យូ
ទូរស័ព្ទiPhone ថ្មីរបស់ក្រុមហ៊ុនAppleបានចេញលក់នៅទូទាំងពិភពលោកកាលពីថ្ងៃសុក្រ ដោយអ្នកគាំទ្រចាប់អារម្មណ៍នឹងឧបករណ៍អេឡិចត្រូនិចចុងក្រោយដែលត្រូវបានបញ្ចេញក្នុងអំឡុងពេលលោកស្ទីវ ចបស៍រស់នៅ ដោយពួកគេភាគច្រើនទិញទូរស័ព្ទនេះដើម្បីជាការសម្តែងការដឹងគុណចំពោះអតីតចៅហ្វាយApple រូបនេះ។
អ្នកគាំទ្ររាប់រយនាក់បានឈរតំរៀបជួរនៅក្រុងស៊ីតនីនិងតូក្យូដើម្បីបានជួប iPhone 4Sដំបូងគេ ដែលមើលទៅស្រដៀងគ្នា iPhone 4 កាលពីមុន តែមានកាមេរ៉ាល្អជាងមុន processorលឿនជាងមុនព្រមទាំងសូហ្វវែសម្លេងល្អជាង។
លោកស្រីហារុកូ ស៊ីរ៉ាយស៊ី ដែលបានរង់ចាំយ៉ាងអត់ធ្មត់នៅសង្កាត់លក់ដូរហ្គីនហ្សានៃក្រុងតូក្យូ បាននិយាយថា "ខ្ញុំជាអ្នកគាំទ្រម្នាក់ ខ្ញុំចង់បានអ្វីមួយដើម្បីជាការចងចាំលោកស្ទីវ ចបស៍"។
ថម ម៉ូស្កា ជនជាតិអូស្ត្រាលី ជាមនុស្សដំបូងគេដែលទិញទូរស័ព្ទថ្មីនេះនៅក្រុងស៊ីតនី។លោកបាននិយាយថាការងារដំបូងរបស់លោកគឺត្រូវសួរទូរស័ព្ទ iPhoneថ្មី របស់លោកថាតើ ស្ទីវនៅឯណា?"។
បើតាមសម្ទុះកម្លាំងទិញនាពេលនេះ ក្រុមហ៊ុនApple Inc ទំនងជាអាចលក់ទូរស័ព្ទថ្មីiPhone 4S របស់ខ្លួនបាន៤លានគ្រឿងនៅមួយចុងសប្តាហ៍នេះ។
iPhone 4S កំពុងចេញលក់នៅអាមេរិក អូស្ត្រាលី កាណាដា បារាំង អាល្លឺម៉ង់ជប៉ុននិងអង់គ្លេស។ វាត្រូវគេរំពឹងថានឹងលក់ដាច់បានច្រើនជាង iPhone 4 ដែលលក់បាន១,៧លានគ្រឿងក្នុងចុងសប្តាហ៍ដំបូង៕
No comments:
Post a Comment