ក្រុមហ៊ុនបច្ចេកវិទ្យារបស់ជប៉ុនដ៏ធំ ដែលគេគ្រប់គ្នាស្គាល់នោះគឺក្រុមហ៊ុន Sony អីឡូវបានទិញយកការគ្រប់គ្រងទាំងស្រុងនៃការផលិតទូរស័ព្ទចល័ត Sony Ericsson ពីក្រុមហ៊ុនផលិតគ្រឿងរបស់ប្រទេស ស៊ុយអែត ហើយ ដែលក្រុមហ៊ុននោះមានឈ្មោះថា Ericsson។
ក្រុមហ៊ុន Sony បានយល់ព្រមទិញយកភាគហ៊ុន ៥០ ភាគរយនោះបើគិតជាទឹកប្រាក់គឺ ១.៥ ពាន់លានដុល្លារ (មួយពាន់លានកន្លះ) ដោយចាប់ពីពេលនេះទៅក្រុមហ៊ុននេះជាម្ចាស់ដាច់មុខតែម្នាក់ឯងប៉ុណ្ណោះនៃផលិតផលនៃទូរស័ព្ទនេះ។
នៅឆ្នាំ ២០០១ ក្រុមហ៊ុន Sony និង ក្រុមហ៊ុន Ericsson បានចូលរួមគ្នាផលិតទូរស័ព្ទចល័តហើយពួកគេ ក៏បានធ្វើអោយកាន់តែប្រសើរឡើង ដោយដាក់ភ្ជាប់មកជាប់ជាមួយនូវ Walkman សំរាប់អ្នកនិយមចូលចិត្តស្ដាប់បទចំរៀង និង Syber-shot សំរាប់អ្នកដែលនិយមថតរូប ហើយពេកគេបានទទួលជោគជ័យមួយដែរកាលពីដំបូង។ រហូតដល់ឆ្នាំ ២០០៨ ពួកគេបានអភិវឌ្ឍន៍ដល់ទូរស័ព្ទប្រទេស Smartphone ដោយប្រើប្រព័ន្ធ Android របស់ក្រុមហ៊ុន Google។
